Agoloso Presents - Atondido Stories Agoloso Presents - Paphata pa Chichewa | Page 31
Paphata pa Chichewa
Chidani cha mphaka ndi khoswe: Udani waukulu
kwambiri.f
Chitsanzo: Azikazi awo ali paudani wa mphaka ndi
khoswe.
Chidikhodikho: Ntchirichiri, phokoso limene limachitika
pakhosi.
Chitsanzo: Munthu akatsala pang’ono kufa amapanga
chidikhodikho.
Chidima: Kulephera kuona bwinobwino kapena
kuzindikira.
Chitsanzo: (1) Ndimaona chidima chifukwa cha njala. (2)
Ukaledzera thupi limachita chidima.
Chidindiri: Wodziwa ntchito komanso yemwe wakhalitsa
pantchito.
Chitsanzo: Ameneyu ndiye chidindiri cha pakampani
pano.
Chidodo:
(a) Kuchedwa.
Chitsanzo: Mukamachita chidodo mutaya zambiri.
(b) Kuyankhula mododoma, chibwibwi.
Chitsanzo: Amachita chidodo poyankhula.
Chidule: Kuchita zinthu mosalongosoka, kuchita zinthu
mosazungulira.
Chitsanzo: (1) Ntchitoyi usaigwire mwachidule. (2)
Ndidutsa njira yachidule.
Chidyamakanda: Munthu wokonda kuchita
zachiwerewere ndi ana kapena anthu omwe si a msinkhu
wake makamaka aang’ono kwa iyeyo.
30