Agoloso Presents - Atondido Stories Agoloso Presents - Paphata pa Chichewa | Page 26

Paphata pa Chichewa
Chamtengo wapatali: Chodula, cha ndalama zambiri.
Chitsanzo: Sindingakwanitse kugula chinthu chamtengo
wapatali ngati chimenechi.
Chamuna (chimuna): Mphamvu.
Chitsanzo: Kuti unyamule thumbali mpofunika chamuna.
Changamuka: Chenjera.
Chitsanzo: Tikufuna munthu wochangamuka.
Changamutsa: Chenjeretsa, kupusitsa, kukubera
munthu.
Chitsanzo: (1) Kanyamulidwe kake kameneka
akuchangamutsani akuba. (2) Munotu ndi m’tauni,
mukagona pang’ono akuchangamutsani.
Changu pamalo: Ndi bwino kumachita zinthu
mwachangu.
Chitsanzo: Tiyeni tipange changu pamalo.
Chaomba mtengo n’chomwecho: Zigwezo n’zomwezo.
Chitsanzo: Masiku ano tikungokhalira kupirira, chaomba
mtengo n’chomwecho.
Chapa: Kumenya kapena kumenyedwa kwambiri.
Chitsanzo: (1) Sakupeza bwino, anzake anamuchapa
koopsa. (2) Mwana amene uja ndidzamuchapa tsiku lina.
Chapamwamba:
(a) Chinthu chodula.
Chitsanzo: Wagula wailesi yapamwamba.
(b) Chinthu kapena ntchito yabwino kwambiri.
Chitsanzo: Amagwira ntchito yapamwamba.
25