Agoloso Presents - Atondido Stories Agoloso Presents - Paphata pa Chichewa | Page 140

Paphata pa Chichewa
Kukhalira mphanthi: Kukhala movutika, mwamantha.
Chitsanzo: Pakhomo pano tikungokhalira mphanthi.
Kukhamukira: Kubwera m’chigulu.
Chitsanzo: Onse anangokhamukira kunyumba kwanga.
Kukhathamira: Kukwanira bwino.
Chitsanzo: Ndiwozi zakhathamira ndi nsinjiro.
Kukhetsa thukuta: Kugwira ntchito mwamphamvu,
kugwira ntchito yowawa.
Chitsanzo: Thukuta lonse lomwe ndinakhetsa langolowa
m’madzi.
Kukhiya:
(a) Kumenya.
Chitsanzo: Anzake akusukulu amukhiya.
(b) Kufika pakolasi.
Chitsanzo: Ndimavina koopsa nyimbo yake ikakhala yoti
imadzikhiya.
Kukhodola: Kusupula chinthu monga chilonda pogwiritsa
ntchito chikhadabo.
Chitsanzo: Ndinamupeza akukhodola zilonda.
Kukhoma ndawala: Kuyenda mofulumira kwambiri.
Chitsanzo: Ndakumana nawo atakhoma ndawala.
Kukhoma:
(a) Kumenya.
Chitsanzo: Ndikukhomatu!
(b) Kudzadza.
Chitsanzo: Holoyo inakhoma ndi anthu.
(c) Kumenya chinthu ndi chinachake.
Chitsanzo: Akukhoma malata.
139