Agoloso Presents - Atondido Stories Agoloso Presents - Paphata pa Chichewa | Page 105
Paphata pa Chichewa
Kubwinyika: Kudya chonse nthawi imodzi.
Chitsanzo: Ataona kuti timupempha anangobwinyika
chonse.
Kubwiza: Kudyetsa njomba. Mawuwa amakonda kugwir-
itsidwa ntchito pochita masewera a mpira wa miyendo.
Chitsanzo: Anabwiza wotseka kumbuyo n’kuchinya.
Kuchapa:
(a) Mawuwa amanenedwa mokokomeza ponena za mun-
thu amene amamveka mwaphokoso akamadya.
Chitsanzo: Achimwene anu ali m’nyumbamu, akuchapa.
(b) Kumenya munthu koopsa.
Chitsanzo: Anzake amuchapa.
Kuchenjerera: Kuchitira wina zachinyengo, awatulukira.
Chitsanzo: (1) Anzawo awachenjerera. (2) Amandiona nga-
ti wogona, ndamuchenjerera.
Kuchenuka: Kuzindikira, kuchangamuka.
Chitsanzo: Ankangoti ndwii apa, lero achenuka akufuna
atisowetse mtendere.
Kuchenutsa: Kuchenjeretsa, kuthandiza munthu kuti
akhale wozindikira.
Chitsanzo: (1) Awa n’gofunika kuwachenutsa.
Kucheukira: Kuthandiza.
Chitsanzo: Ticheukireni achimwene, ifetu kuno usiwa.
Tikungovala nsanza zokhazokha moti tikamayenda ziku-
mangoti wirawira.
Kuchikweza:
(a) Munthu waluso, wotchuka komanso wolemekezeka.
Chitsanzo: Malume aja ndi kuchikweza.
104