Matigari
“Ndinkakhala pafamu yomwe Mtsamunda Williams anaba.
Ndinasosa nthaka, ndinalima munda, ndinadzala mbewu ko-
manso ndinasamalira mbewu. Koma kodi chinachitika n’chi-
yani ndi mbewu zomwe ndinakolola? Zonse zinapita kunk-
hokwe za Mtsamunda Williams ndipo ine munthu yemwe ndi-
naswa mphanje, ndinasiyidwa kuti ndizidya zokunkha.
Mtsamunda Williams ankayasamula chifukwa chokhuta. Pom-
we ine ndinkayasamula chifukwa cha njala.”
“Si zokhazoyi. Ndinamanga fakitale ya khofi komanso ya
tiyi. Mwawadziwa mafakitale opanga zakudya kuchokera ku
zipatso aja? Ndi ine ndinamanga mafakitale amene aja ndi en-
anso ambirimbiri. Ndinamanga zonsezi ndi manja angawa, ndi
zala khumi mukuzionazi. Koma kodi ndi ndani amene
anatenga mapulofiti onse? Mtsamunda Williams. Nanga bwanji
ineyo? Anangondiponyera kakhodo koti ndikagulire
chingambwe basi. Kenako nthawi yoti ndilandire malipiro anga
ochepa inakwana. Koma kodi mukudziwa amene ndinkakuma-
na nawo pageti? Anali otolera misonkho a Mtsamunda Wil-
liams. Ndikangolephera kupereka msonkho ankandikwidzinga
ndi unyolo n’kukanditsekera kundende. Ndikalipira ndinkatsa-
la ndi ndalama yokhala ngati yopatsa mwana kuti akadyere
kusukulu.”
“Musanganize kuti zinkachitika ndi zokhazi basi! Ndi man-
ja angawa ndinamanga nyumba. Koma womangane ndinkago-
na pakhonde, mwinanso kumachita kupemphetsa malo oti
ndigone. Nthawi yonseyi Mtsamunda Williams ankakhala
m’nyumba ndinamanga ine ija. Tandiuzeni, kodi ndi chilunga-
mo kuti telala aziyenda buno bwamuswe, womanga kumagona
pamtetete komanso wolima kumagona ndi njala, ndi chilunga-
mo chimenecho?”
94