Agoloso Presents - Atondido Stories Agoloso Presents - Matigari | Page 249

Matigari
Gawo 18
Matigari anayenda mofulumira kulowera kumene kunali
chitsime chomwetsera mafuta cha Esso kuja, komwe
anaimikako galimoto ya Mercedes-Benz.
Mwadzidzidzi, anaima kaye. Kupatulapo galimoto yandu-
na ija, pamalowa panalibenso galimoto ina yamtundu wa Mer-
cedes-Benz ndipo panalibenso ngakhale magalimoto ami-
tundu ina. Iye ankadzifunsa kuti, kodi kapena anditchera
msampha? Anayang'ana malo ozungulira akuganiza kuti
n'kutheka kuti penapake pali apolisi. Koma sanawone wapoli-
si aliyense.
Kenako anayamba kulowera kumene kunali chitsime
chomwetsera mafuta kuja ndipo anakagula mafuta m'chigubu.
Pa nthawi yonseyi, ankayang'ana mochenjera kwambiri kuti
aone chimene chikuchitika.
Mkati mwa ofesi yomwe inali pamalo ogulitsira mafutawo
munali munthu yemwe ankasuta fodya. Matigari ankalephera
kuona nkhope ya munthuyo bwinobwino.
“Kodi galimoto zonse zija zalowera kuti?” Matigari ana-
funsa munthu ankagulitsa mafuta uja.
“Kodi simunamve?”
“Kumva zotani?”
“Dziko lonsetu lapita kunyumba kwa Boy.”
“Kukuchitika chiyani? Kuli phwando kapena?”
“Kodi mukunenetsa kuti simunamve zankhani imeneyi?”
“Nkhani yake iti?”
248