Opið hús 14. október
Í tilefni af 90 ára afmæli Verkalýðsfélags Akranes er bryddað upp á
ýmsu til að brjóta upp hversdaginn. Það er full ástæða til að fagna
enda innihalda þau 90 ár sem liðin eru frá stofnun félagsins ótal
sigra þegar kemur að baráttu fyrir kaupi og kjörum verkafólks. 90
ár eru langur tími og félagið á sér merkilega sögu sem vert er að
rifja upp. Þetta afmælisblað er einmitt einn liður í því að fagna
þessum tímamótum í sögu félagsins. Á síðum þess er að finna ýmsa
sögumola, bæði úr fundargerðabókum og gömlum dagblöðum en
jafnframt er áhersla lögð á starf félagsins í nútímanum og þann
fjölbreytileika sem þar ríkir.
Af öðrum dagskrárliðum í tengslum við afmælið má helst nefna
tvenna tónleika laugardaginn 11. október í Bíóhöllinni, annars
vegar með strákunum í Pollapönki kl. 15:00 og hinsvegar tónleikar
með Helga Björns og Reiðmönnum vindanna kl. 20:30. Báðir
tónleikarnir eru í boði Verkalýðsfélags Akraness og því er enginn
aðgangseyrir, en sækja þarf miða á Helga Björns á skrifstofu
félagsins á meðan birgðir endast.
Verið velkomin á Sunnubraut 13
Á sjálfan afmælisdaginn, þriðjudaginn 14. október, verður opið
hús á skrifstofu félagsins á milli kl. 14 og 16. Heitt verður á
könnunni og boðið upp á léttar veitingar. Vonandi sjá sem flestir
félagsmenn sér fært að kíkja við og gleðjast með Verkalýðsfélagi
Akraness á þessum tímamótum.
Verkalýðsfélag Akraness 90 ára
Hátíðardagskrá
Laugardaginn 11. október:
Kl. 15:00
Tónleikar með Pollapönk í Bíóhöllinni, Akranesi.
Frítt fyrir öll börn á meðan húsrúm leyfir.
Húsið opnar kl. 14:20.
Kl. 20:30
Tónleikar með Helga Björns og Reiðmönnum vindanna.
Í Bíóhöllinni, Akranesi.
Hver félagsmaður fær afhentan einn miða á skrifstofu
félagsins, athugið að einungis eru 300 miðar í boði.
Fyrstur kemur fyrstur fær.
Þriðjudaginn 14. október:
Kl. 14-16
6
Opið hús á Sunnubraut 13. Heitt kaffi á könnunni og meðlæti.
Endilega láttu sjá þig!