Persónutöfrar eru málið!
Þrek, getan til að vinna og lífskraftur eru mikilvægir þættir í hundaræktun. Þetta eru ekki bara orð heldur
alvöru hlutir. Lífskraftur eða lífsþróttur og styrkur skiptir miklu máli í lífinu. Kröftugur og þróttmikill hundur er
opinn, hamingjusamur og virkur. Þessa hunda höfum við séð og heyrt af þeim. Slíkir hundar eru kraftmiklir
og þeir hafa einnig viljastyrk. Á árum áður þegar mikið var um stór hundabýli vildi fólk fá auðvelda hunda.
Nú á tímum er þetta ekki mikið betra. Fólk er í vinnu og lifir mjög uppteknu lífi. Vill fólk fá auðvelda hunda
eða virka og líflega hunda? Það virðist vera svo að stundum veljum við latari og auðveldari hunda. Í
mörgum tegundum eru rakkar hættir að para sig og þegar við horfum í sýningarhringinn þá virðist vanta
persónutöfra í hundana oft á tíðum. Hvað eru persónutöfrar og hvernig er það meðfætt í hundum? Hvers
vegna eru persónutöfrar svona mikilvægir?
Alvöru þróttur og styrkur kemur frá
foreldrunum. Í bestu tilvikunum þá
eru það bæði faðir og móðir sem
eru sterkir og opnir einstaklingar.
Pörunin var auðveld og það flugu
neistar. Fæðing hvolpanna gekk eins
og í sögu. Þar sem við erum að tala um
persónutöfra hunda þá er þetta nátengt
náttúru þeirra og að gefa af sér gæði.
Persónutöfrar koma frá þægilegu líferni.
Þessir hundar þekkja uppruna sinn og
hvar þeir standa.
Hundur gæddur þessum töfrum þarf
samt sem áður skýr takmörk jafnvel þótt
hann storki eiganda sínum af og til.
Persónutöfrar eru allt, þá má sjá og finna og gefa til kynna auðvelt líf.
Höfundur: Juha Kares
Þýðandi: Svava Björk Ásgeisdóttir
Hvað eru persónutöfrar?
Persónutöfrar eru viljastyrkur.
Persónutöfrar í hundum merkir
hundur sem veit hver hann er. Þeir
hafa raunverulega og sterka náttúru
eða kynhvöt. Í rökkum þá merkir
þetta sterka eðlisávísun og dálítið
ríkjandi viðmót – sem þeir hafa þó
stjórn á þegar vel lætur. Stundum eru
þessir rakkar sem eru gæddir þessum
persónueinkennum þó eldfimir. Ef
það er tík að lóða í nágrenninu þá
eru tilfinningarnar mjög sterkar.
Persónutöfrar rakka merkir líka
einskonar stóðhesta hegðun undir
vissum kringumstæðum.
Aftur á móti eru persónutöfrar tíkanna
aðeins meira fágaðir að eðlisfari. Hjá
tíkunum snýst þetta um að þekkja styrk
sinn. „ Ég er alpha og ég þarf ekki að
sanna stöðu mína“. Persónutöfrarnir
eru augnaráðið. Með því einu að gefa
augnaráð gefur tík til kynna fullkomið
vald. Það þarf ekkert að velta því meira
fyrir sér. Þessir persónutöfrar hjá tíkum
snúast meira um frið og áruna sem er í
kringum hundinn.
Hvaðan koma
persónutöfrar?
Persónutöfrar hunda koma frá mjög
líflegum og sterkum hundum. Þessir
hundar eru oft fæddir kóngar og
drottningar. Flesta hunda sem eru
gæddir sterkum persónutöfrum
hafa ræktendur oft komið auga á
í gotkassanum þegar hvolparnir
eru nýfæddir. Þeir eru sterkustu
einstaklingarnir í gotinu frá því þeir
fæddust. Þeir skína skært og bera
af mjög snemma. Þessir hundar
hafa fullkominn þrótt og fullkominn
viljastyrk. Þegar hvolparnir byrja að
ganga þá stjórna þessir hvolpar hinum
hvolpunum.
Sterkir hvolpar eru oft hamslausir.
Þessir sterku hvolpar skera sig
sannarlega úr hópnum. Það er hlutverk
eigenda þeirra að vernda þessa
eiginleika þeirra með því að leyfa
þessum sterku og þróttmiklu hvolpum
að nota viljastyrk sinn á réttan hátt.
Of margar takmarkanir og of mikill
agi getur eyðilagt persónueiginleika
hundsins. Hamslausir hvolpar storka
eigendum sínum. Þeir leita að
takmörkunum sínum og að lokum finna
þeir þau af sjálfsdáðum með réttri
leiðsögn okkar mannanna.
Til að eiga og ala upp nægilegt magn af
þessum persónueiginleikum sem um
ræðir þarf athygli og ást. Þú verður að
elska hundinn og láta hann finna hvað
hann er sérstakur. Að lokum skilar sú ást
og athygli sér til baka.
Sterkir einstaklingar eru náttúrulegir
sigurvegarar og hornsteinn
ræktunarinnar
Til að ná fram persónutöfrum í hundum
merkir að þú þarft að nota mjög sterka
Sámur 2. tbl. 44. árg. júní 2016 · 47