Besti hundur sýningar
Stefsstells Kolmars Krómi
Stefanía Sigurðardóttir er enginn nýliði í ræktun eða á sýningum félagsins, til fjölda ára hefur hún ræktað undir
ræktunarnafninu Stefsstells og sýnt hunda sína með góðum árangri.
Á febrúarsýningu félagsins náði hundur úr hennar ræktun og í hennar eigu þeim árangri að verða Besti Hundur
Sýningar (BIS).
Hundurinn ISCh Stefsstells Kolmars Krómi er ekki nema 2 ára en hefur áður náð góðum árangri á sýningum m.a. orðið
Besti Hundur Tegundar (BOB) og sigrað sinn tegundahóp. Árangur Króma má í raun þakka allri fjölskyldunni þar sem sl.
sumar sýndi Dagbjört dóttir Stefaníu hann öðru sinni og nú á febrúarsýningunni sá Sigurður Edgar sonur Stefaníu um að
sýna Króma alla leið til sigurs en hann er aðalsýnandi hundsins.
Mér lék forvitni á að vita hvað þarf til að ná svona góðum árangri með ekki eldri hund og fékk því að leggja nokkrar
spurningar fyrir Stefaníu.
Hvernig er rútínan hjá ykkur
í snyrtingu/hreyfingu?
Næg útivera í öllum veðrum og hreyfing er
nauðsynleg uppbyggingu hans, þar gerist svo ótal
margt. Við vinnum talsvert úti svo skola ég hann
áður en hann kemur inn ef svo ber undir. Ég held
dagbók á áætlun fyrir hann varðandi önnur böð
og held feldinum hreinum.
Hefur þú notað hundinn í ræktun,
hvernig hefur það komið út?
Hann á erindi í ræktun og er heilbrigður sem er
fyrir mestu. Við erum nýlega búin að kanna það,
hann kemur sjálfur sterkur inn sem einstaklingur
og úr gæðalega sterku goti.
Krómi á í febrúarsýningu HRFÍ 2016, ljósm. Tanja Kääriäinen
Krómi sem hvolpur
Höfundur Klara Símonardóttir
Valdir þú Króma sjálf sem hvolp til
þess að halda eftir eða aðstoðaði
annar við valið og hvað var það
sem heillaði mest við hann?
Við völdum í raun hvort annað og var það helst
frábær gerð, samræmi og vilji sem heillaði mig
strax frá fæðingu. Um 5 vikna aldur hans var mér
hins vegar orðið ljóst að ég þyrfti að passa mig,
yfirvegunin var slík og einbeittur áhuginn á mér.
Tenging okkar er svolítið sérstök og henni gat ég
ekki sleppt. Hundurinn heillaði mig!
Þegar þú gerðir pörunina sem hann
kemur úr hafðir þú þá hugmynd um
að þú gætir fengið fram þessi gæði?
Já þessi samsetning var til, við Salka biðum eftir
46 · Sámur 2. tbl. 44. árg. júní 2016
Hvernig hefur honum gengið
áður á sýningum?
Krómi varð fyrst BOB í maí 2015 hjá Andrew H.
Brace og sigraði einnig grúppu 5.
Kolmari. Ég hugsa samsetningar fram í tímann um
nokkrar kynslóðir og vinn mig áfram. Ég veit hvað
ég vil og hliðarverkefnin æði mörg ásamt góðu og
farsælu ræktunarsamstarfi að þessu goti.
Tel mig hafa frábæran samnefnara úr Ösku- og
Árulínum í Króma, hann var alltaf lofandi en hann
kemur mér líka á óvart og er enn að þroskast.
Einkennin eru sterk inni í þessum lið, sem dæmi
þá ber hann hátíðarskottið sem kennt er við
ömmu hans, Stefsstells Hátíð, og sömuleiðis öll
hans systkini. Svona get ég haldið áfram að rekja
mig en gleðst nú yfir þessari festu sem ég hef
unnið upp.
Öðru sinni BOB hjá Jadranka Mijatovic
á sumarsýningu 2015, og alltaf sýndur í
unghundaflokki þar til í feb. sl. þegar hann kom
fyrst fram í opnum flokki fyrir Leif Ragnar Hjörth.
Krómi er nú nýr ísl. meistari sem á tvö CACIB.
Sástu gæðin strax eða
komu þau fram síðar?
Krómi á hug minn alla daga og hefur haldið mér
vel við efnið enda mjög spennandi einstaklingur.
Reynsla og þekking á tegundinni hjálpar vitanlega,
já ég þekki þessa hvolpsgerð mjög vel. En það sem
Krómi hefur áberandi er fallegt samræmi í heild og
frábærar hreyfingar sem skipta mig máli, og eru í
algjöru einkasamkvæmi þegar þess krefst. Hann
er vinnuhundur sem fær hlutverk og er vinnufús.
Ég virði eðli hans og hef lagt mig fram við að fylgja
honum eins og hentar honum best. Sýningarnar
byrjuðu sem mát í mínum huga fyrir hann og
stefnu þjálfunar hans fyrir mig. Að ganga hratt og
vel er bara svolítið mikið í hans anda.
Hver finnst þér stærsti
kosturinn við hundinn?
Hvað hann er skemmtilegur. Við Krómi vöxum
saman á okkar máta því við erum alltaf að læra af
hvort öðru.
Allir hundar eru einstakir fyrir mér og Krómi er
einn af þeim. Glaðbeittur drauma sýningahundur
og jafnframt fyrsti Stefsstells ræktaði hundurinn
minn sem verður BIS á Íslandi. Ég er mjög stolt af
honum og þetta er afrek fyrir ungan hund sem hóf
sýningaferil sinn 15 mánaða gamall.