Fagmannlegt starfsfólk
Þórdís Björg Björgvinsdóttir dæmdi í fyrsta sinn á sýningunni og dæmdi
hún nokkrar tegundir úr tegundahópi 9. Hún hrósaði sérstaklega starfsfólki
í hring fyrir fagmannleg vinnubrögð og talar um hvað það sé alltaf vinalegt
andrúmsloft á sýningu HRFÍ, hún minnist einnig á hvað sé gott fyrir starfsfólk
sýningar að geta komið við í hádegismat hjá Bjarndísi. Þar sem Þórdís er vön
ýmsum öðrum hlutverkum á sýningum lá beint við að spyrja hvort mikill
munur væri á þeirri upplifun að mæta á sýningu sem sýnandi eða sem dómari:
„Já mér fannst vera mikil munur enda gjörólík hlutverk. Erfitt að bera saman
en ábyrgðin sem maður ber sem dómari er mikil og mikilvægt að muna það
þegar maður fer inn í hringinn að dæma. Sem sýnandi er ég miklu frjálsari
og ber bara ábyrgð á mér og mínum hundi. Ég hef mjög gaman að öllu sem
tengist sýningum hvort sem það er að vera sýnandi, ritari, hringstjóri eða
dómari“.
Efnilegir unghundar
Þórdís dæmdi Poodle sem er hennar eigin tegund, hún var mjög ánægð með
hundana sem mættu, bæði voru góðir fulltrúar tegundarinnar og að rakkinn
gæti unnið hvar sem er í heiminum. Hún var einnig mjög ánægð með Bichon
frise tíkina sem varð besti hundur tegundar og sagði hana með góða skapgerð
og fallegar hreyfingar.
Tegundahópur 3: 1. sæti
Tumastaða Askur
IS19806/14
Silky terrier
Eigandi: Alda Gyða Úlfarsdóttir
Ræktandi: Alda Gyða Úlfarsdóttir
Stærsta tegundin hjá Þórdísi var Cavalier sem kom henni skemmtilega á óvart,
hún sá mikið af fallegum hundum og var mjög ánægð með þá sem komust
í sæti. Hún sagðist hafa verið með nokkra mjög efnilega yngri hunda og þá
sérstaklega í rökkum sem ættu vonandi eftir að þroskast áfram í rétta átt
og gera góða hluti í framtíðinni. Þórdís nefnir að hún hefði viljað sjá aðeins
meiri gleði í nokkrum hundum þar sem að hennar mati sé Cavalier tegund
þar sem skapgerðin skipti miklu máli. Bæði besti hundur tegundar og annar
besti hundur tegundar hafi verið glöð og vinaleg eins og tegundin eigi að vera,
rakkinn vel byggður, í góðu jafnvægi og með fallegt höfuð og tíkin glæsileg tík
úr meistaraflokki með allt á réttum stöðum.
Þórdís dæmdi einnig Shih Tzu sem er tegund sem hún hefur sérstakt dálæti á
og sá hún fimm hunda sem allir eigi framtíðina fyrir sér í sýningarhringnum.
Hún var ánægð með alla sigurvegarana sína en nefnir að henni hafi fundist
sérstaklega gaman að sjá hvað hún fékk mikið af fallegum ungum hundum í
hringinn til sín, sumir þurfi aðeins meiri tíma til að þroskast en grunnurinn sé
réttur.
Aðspurð um ábendingar fyrir sýnendur og eigendur minnir hún á að huga þurfi
vel að umhverfisþjálfun og holdafari. Sýningameistari þurfi að hafa skapgerð
sem hæfir sinni tegund og að allir hundar þurfi að vera í eðlilegum holdum.
Tegundahópur 4/6: 1. sæti
NLW-15 ISShCh RW-14-15
Red Hot Chili V. Tum-Tums Vriendjes
IS18614/13
Petit basset griffon vendeen
Eigandi: Karen Ösp Guðbjartsdóttir
Ræktandi: G.M. Huikeshoven
Tegundahópur 10: 1. sæti
Eldþoku Svala
IS20822/15
Whippet
Eigendur: Selma Olsen/Berglind A. Zoega
Magnúsdóttir
Ræktandi: Selma Olsen