heilsufarsvandi langhundsins, þau
vandamál geta komið upp vegna erfða,
en einnig vegna rangrar hreyfingar, falls
eða að hundurinn stekkur ógætilega
af eða upp á húsgögn. Það er því
mjög mikilvægt að styðja við bak og
afturenda þeirra þegar þeir eru teknir
upp. Mjög mikilvægt er að passa að þeir
verði ekki of feitir. Fylgjast þarf vel með
tönnum þeirra, þeir eiga það til að safna
tannsteini og fá þá tannholdsbólgu ef
ekkert er að gert. Gott er að bursta í
þeim tennurnar reglulega og fara með
þá í tannhreinsun einu sinni á ári sé
þess þörf.
Langhundurinn er leikglaður,
hamingjusamur hundur sem gaman er
að, þeir eru góðir með sig og hvernig
er hægt að verjast brosi þegar maður
mætir þessum einstaklingum með sinn
langa búk á stuttum kvikum fótum,
horfir á mann hnarreistur og með
gáfnablik í augunum. Langhundurinn
er tryggur fjölskyldumeðlimur og vill
fyrst og fremst vera með í öllu sem
maður er að gera, hann velur oft einn
úr fjölskyldunni sem hann verður
hvað hændastur að, og vegna þess
hve klár hann er hefur hann oft sína
eigin skoðun á því hvernig hlutirnir
eiga að vera. Að þjálfa langhund er
þolinmæðisverk en alls ekki vonlaust,
þeir eru þrjóskir og mjög sjálfstæðir,
opnir og góðir með sig. Langhundurinn
er afbragðs góður sporhundur þar sem
sjálfstæðið og kjarkurinn fær að njóta
sín.
Langhundur og börn
Þeir eru mjög góðir með börnum en um
þá gilda sömu reglur og um aðra hunda
og ung börn, það þarf að fylgjast með
þeim og passa að börnin reyni ekki að
taka þá upp. Ef barn situr í sófa finnst
langhundi ekkert betra en að leggjast
við hliðina á því og láta klappa sér.
Heimildir:
https://en.wikipedia.org/wiki/Dachshund
http://www.fci.be/en/nomenclature/DACHSHUND-148.html
http://dogtime.com/dog-breeds/dachshund
C.I.E. ISShCh RW-14 Luna Caprese Immagine Allo Speccio, eig. Hallveig Karlsdóttir og
ISShCh RW-14-15 Kingsens‘s Fineste Kastor, eig. Elín Þorsteinsdóttir
C.I.E. ISShCh ISW-13 RW-14 Sundsdal´s Wee Kind of Magic og
C.I.E. ISShCh Sundsdal‘s Will You Be There
eig. Arinbjörn Friðriksson & Margrét G. Andrésdóttir
Kingsen‘s Finest got. Ræktandi: Hallveig Karlsdóttir
8 · Sámur 2. tbl. 44. árg. júní 2016
Urso del Coruni
Eigandi: Árni Hauksson