Mill-Maħżen
Kummissjoni Armar
Wara sentejn ta ’ stennija erġajna rritornajna b ’ festa kif nafuha aħna . Is-sena 2022 hija sena speċjali għalina , għaliex timmarka l-għaxar anniversarju tal-Kummissjoni tal-Armar . Dawn is-sentejn kienu diffiċli ferm għalina għaliex il-festa tal-Appostlu Missierna San Pawl li tant hi għal qalbna u għażiża għalina ma setgħetx issir . Għalkemm kellna dawn id-diffikultajiet tal-pandemija xorta waħda qatt ma qtajna qalbna milli nkomplu bilħidma , sabiex meta jerġa ’ jiġi kollox għan-normal inkunu ppreparati biex nagħmlu festa kif jistħoqq .
Fis-sentejn li għaddew , armajna t-toroq għall-festi tal-Milied u tal-Ewwel tas-Sena , kif ukoll fiż-żmien l-Għid , armajna ċ-Ċentru Parrokkjali fejn saret wirja tal-Ġimgħa l-Kbira . Wirja li ilha ssir b ’ suċċess għal għaxar snin sħaħ . Wara ħafna żmien ta ’ stennija , tlesta x-xogħol fuq il-faċċata tal-planċier u b ’ hekk nistgħu ngħidu li dan il-proġett issa huwa kważi lest . Tkompla x-xogħol fil-maħżen tal-armar tas-Soċjetà tagħna fejn saret manutenzjoni fuq l-arbli kollha tal-pjazza u saret liedna ġdida għal Triq Dun Ġużepp Caruana . Ħajr lil
Noel Livori li ħadem din il-liedna , il-voluntiera kollha li taw daqqa t ’ id u l-isponsors li dejjem jgħinuna meta jkollna bżonn .
Fl-aħħar nett , inħeġġu aktar nies u żgħażagħ jingħaqdu magħna . B ’ hekk , tkunu qed tgħinuna nżommu l-festa u t-tradizzjonijiet tagħna ħajjin . Inħeġġukom ukoll sabiex tarmaw il-faċċati u l-gallariji tad-djar tagħkom f ’ dan iż-żmien ta ’ festa u tingħaqdu magħna għall-festa tal- Appostlu Missierna San Pawl .
Nirringrazzjaw lill-voluntiera u benefatturi kollha li joffru l-ħin u l-għajnuna tagħhom . Grazzi lill- Kappillan , lill-kumitati kollha fi ħdan is-Soċjetà Pawlina b ’ mod partikolari l-Kumitat Ċentrali u lis-soċi għallkooperazzjoni li dejjem insibu . Fuq kollox , grazzi kbira lilkom għeżież Ħal Safin li dejjem attendejtu l-attivitajiet li norganizzaw matul is-sena . Il-festa t-tajba ! Viva San Pawl !
FESTA 2022
Każin Banda San Pawl , Safi
25 Sena Kamra tan-Nar San Pawl - Safi
51